د کانونو او پټروليم وزارت سرپرست د قرغیزستان د سوداګرۍ له وزير امان ګلديف دانيار او مل پلاوي سره ليدلي.
نوموړي ويلي، له ګڼو بهرنيو او کورنيو شرکتونو سره يې قراردادونه لاسليک او کړي او په افغانستان کې د کانونو قانوني استخراج ته زمينه برابره شوې.
ورته وخت کې د قرغیزستان د سوداګرۍ وزير په افغانستان کې د تالک، مرمر، رخام او انتيمونی کانونو په برخه کې پانګونې ته لېوالتیا ښودلې.
د ياد هېواد د سوداګرۍ وزير داسې مهال په افغانستان کې پانګونې ته لېوالتیا ښايي چې تر ده وړاندې هم چينايي، ترکي او د ګڼو نورو هېوادونو پانګوالو هم په افغانستان کې پانګونې ته لېوالتیا ښودلې.
د سرپرست حکومت مسولينو ويلي، بهرنيو پانګوالو ته په افغانستان کې د پانګونې لپاره هر ډول اسانتياوې برابروو.
