ڪابل (کوه نور، ۱۵ لیندۍ ۱۴۰۴): د قطر لومړي وزیر شیخ محمد بن عبدالرحمن آل ثاني د ۲۰۲۵ کال دوحې فورم غونډه ڪې د وینا پر مهال ویلي، غزه کې لا هم جګړه او نسل وژنه پای ته نه رسېدلې.
د هغه پر وینا، د اسراییلو لهخوا پر غزه د نسل وژنې او جګړې په اړه خبرې اترې «حساس پړاو» ته رسېدلې دي.
د نړۍوالو رسنیو د راپور پر اساس، د دوحې د کلني نړۍوال فورم ۲۳مه ناسته د قطر په پلازمېنه کې پیل شوې، چې پکې د نړۍ مشران، لوړپوړي دیپلوماتان او سوداګریز مشران ګډون لري.
د رویټرز خبري اژانس راپور ورکړی، چې د سوریې او ګانا ولسمشران، د قطر او لبنان لومړي وزیران او د ترکیې د بهرنیو چارو وزیر د سږني فورم له ګڼ شمېر ویناوالو څخه دي.
باید وویل شي، چې د دوحې سږنی فورم د "عدالت په عمل کې له ژمنو تر پرمختګه" تر سرلیک لاندې ترسره کېږي او تمه ده، چې له ۱۵۰ ډېرو هېوادونو څخه شاوخوا ۶۰۰۰ کسان پکې ګډون وکړي.
