کابل (کوه نور، ۱۲ سنبله ۱۴۰۴): د ناروې د کډوالو شورا خبر ورکړی، چې ښایې د بودیجې کمښت د هېواد ختیځ "کنړ" ولایت کې د زلزلې له امله زیانمنو شویو وګړو ته د مرستو رسولو بهیر ټکنی شي.
دې شورا ویلي، د افغانستان ختیځ کې هغه سیمې، چې زلزلې ځپلي پکې امکانات تر ډېره په مصرف رسېدلي او د بودیجې د کموالي له امله د مرستو رسولو اندازه او سرعت تر ډېره محدود شوی دی.
د یادې خیریه موسسې په هغه راپور کې، چې نن نشر شوی راغلي، چې د زلزلې له امله په زیانمنو شویو سیمو کې په جوړو شویو موقتي خېمو کې د ۵۰ او ۱۰۰ ترمنځ ښځو او ماشومانو پرته له صحي او نورو ضروري امکاناتو پنا اخیستې ده.
راپور کې راغلي، له زلزلې ژغورل شوي وګړي د سرپناه، خوړو، د څښاک پاکو اوبو او د روغتیايې خدماتو بېړنیو مرستو ته اړتیا لري.
د ناروې د کډوالو شورا پر نړۍوالو مرستندویانو غږ کړی، چې افغانستان کې د دې نوي پېښ شوي ناورین سره د مبارزې لپاره دي مرستې ډېرې او د اوږد مهال لپاره دي سیمه کې پاتې شي.
