د ناټو سرمنشي مارک روټه ويلي، ممکنه ده چې روسيه تر راتلونکو پنځه کلونو پر ناټو بريد وکړي.
هغه له خپلو متحدینو غوښتي، چې خپل دفاعي ځواک پياوړی کړي.
هغه جرمني کې د خبرو پر مهال ويلي، که څه هم د ناټو غړي هېوادونه نه احساسوي چې روسيه به پرې بريد وکړي، خو دغه سازمان دی دفاعي بوديجه ډېره او هر ډول خطر ته ځان چمتو کړي.
روټه ويلي، روسيه ان د اروپا تر پولو رسېدلې او بريد کولو کې يې هم شک نه دی پاتې.
نوموړي همداراز ټينګار کړی چې، د مسکو له بې رحمانه او احمقانه رفتار څخه د دفاع یوازینۍ لار د دفاعي بوديجې لوړول او نظامي تجهيزات لرل دي.
دا په داسې حال کې ده چې روسي الوتکو څه موده وړاندې د ناټو پر غړي هېواد پولنډ ګزمې وکړې.
