د امریکا ولسمشر ډونالډ ټرمپ په امریکا او ټوله نړۍ کې هغه خلکو ته د ۱۴۰۴ لمریز کال مبارکي ویلې چې دغه جشن نمانځي.
نوموړي په یوه پیغام کې ویلي، نوروز یو لرغونی چشن دی چې د تېر کال برکت ته د فکر او نوي پسرلي ته له یوې نوې او تازه روحیې سره چمتووالی او هیله مندي ښیي.
نوموړي په دغه پیغام کې ویلي: «نوروز د خوښۍ او د پسرلي او نوي کال د پیل یو جشن دی.»
هغه په دغه پیغام کې د امریکا په استازیتوب د نوروز مبارکي وړاندې کړې ده.
که څه هم د کب میاشت هر کال ۲۹ ورځې وي او له هغه وروسته د وري لومړۍ نېټه د نوروز ورځ وي خو سږ کال سرپرست حکومت اعلان وکړ چې د کب میاشت ۳۰ ورځې ده او نوی کال به سبا د جمعې په ورځ پیل شي.
د ویلو ده چې په ایران، تاجکستان او نورو هېوادونو کې نوی لمریز کال نن پیل شوی دی.
