د وینزویلا پر پلازمېنه برید؛ نړیوالو یې غندنه وکړه

خبرياله: نازو عمري 

د امریکا له خوا په کاراکاس د پوځي بریدونو او د وینزویلا د ولسمشر نیکولاس مادورو له نیولو وروسته، د دې هېواد ځینو متحدینو او د ملګرو ملتونو سرمنشي انتونیو ګوتیریش دا اقدام په کلکه غندلی دی.

ښاغلي ګوتیریس ویلي، چې دا ډول پوځي عملیات "یوه خطرناکه بېلګه"ده 

په ورته مهال راپورونه وایي، چې د ملګرو ملتونو امنیت شورا به د جنورۍ په ۵مه، سهار ۱۰ بجې د امریکا د دغه اقدام په اړه ځانګړې غونډه وکړي. ډیپلوماتانو ویلي، چې دا غونډه د کولمبیا په غوښتنه راغوښتل شوې، چې روسیه او چین یې ملاتړ کوي.