د ټرمپ له ګواښ وروسته؛ ښايي کاناډا له چين سره سوداګري کمه کړي

وروسته له هغې چې د امريکا ولسمشر کاناډا ته ګواښ وکړ، که يې له چين سره سوداګريزې هوکړې لغوه نکړې، نو ۱۰۰ سلنه تعرفې به پرې ولګوي.

بلوم‌برګ راپور ورکړی، چې ټرمپ د کاناډا ضد دريځ لا پسې پياوړی کوي او نه پریږدي چې دغه هېواد له چين سره سوداګري وکړي.
سرچينې ليکلي، د کاناډا د خزانې وزير ويلي، د ټرمپ وروستي ګواښونه د دې لامل شوي، چې ښايي لومړی وزير له چین سره د سوداګريزو هوکړو په  برخه کې خپل دريځ بدل کړي او يو ډول شاتګ وکړي.
چين تراوسه په دې اړه کوم غبرګون نه دی ښودلی.