د ټلګرام اپ اجرايوي مدير پاول ډورف په يوه پوسټ کې ادعا کړې چې د دې مسنجر(ټيلګرام) امنيت او محرميت له وټسپ او سیګنال څخه ډېر دی.
ده همداراز ادعا کړې چې محکمه کې خلکو ورته له دې امله شکايت کړی دی چې د سیګنال شخصي پيغامونه يې بېرته په وړاندې کارول شوي دي.
نوموړي همداراز وويلي، ټلګرام د پيغام رسولو يوازينی مشهور اپ دی چې تل له خپلو سيالانو څخه مخکې، لوړ امنيت او محرميت لري.
څه موده وړاندې په چين کې د اپل شرکت له خپل اپ سټور څخه د ټلګرام اپ لرې کړ.
چين د دغه کار علت د ټلګرام په امنيت باور نه درلودل ياد کړي وو.
د ټلګرام اجرايوي مدير د اپل د يادې پرېکړې په غبرګون کې ويلي وو:««دا به خپله ستاسو شرکت ته تاوان وکړي.
خلک به د آيفون پر ځای انډروايډ ته مخه کړي او هلته به له ټلګرام څخه ګټه واخلي»»
د يادونې ده چې په دغه مسنجر(ټلګرام) ډېر کله د محرميت او امنيتي پاليسيو له امله امنيتي کار پوهان نیوکه کوي هغه چې د دغه اپ مدير يې بار بار ردوي.
