د پاکستان د بهرنيو چارو وزارت وياند طاهر اندرابي ويلي، هيله لري چې له افغانستان سره د مذاکراتو راتلوونکی پړاو چې د نومبر په ۶مه کيږي، يوه مثبته پايله ولري.
نوموړي دغه څرګندونې نن په يوه خبري کنفرانس کې کړې دي.
نوموړي په خپلو خبرو کې ويلي، هېواد يې د تاوتريخوالي هڅه نهکوي، خو د افغانستان اسلامي امارت هم باید له خپلې ژمنې سره سم، له خپلې خاورې د پاکستان ضد د وسلهوالو ډلو ملاتړ ونهکړي.
نوموړي دغه څرګندونې استانبول کې د افغانستان او پاکستان ترمنځ د دويم پړاو مذاکراتو د پای ته رسېدو وروسته کړې دي.
ورته مهال بیا اسلامي امارت په افغانستان کې د پاکستان طالبانو د تحریک په ګډون د هر ډول وسلوالې ډلې شتون رد کړی او ويلي يې دي چې له افغانستان به هېڅ هېواد ته ګواښ نه پېښیږي.
