خبريال: فرمان الله زبيرزی
د کولمبیا ولسمشر ګستاو پیترو ویلي، متحده ایالات د بشر په ټول تاریخ کې لومړنی هېواد دی، چې د جنوبي امریکا یوه پلازمېنه بمبار کوي.
نوموړي ویلي، هغه څه چې متحده ایالاتو ترسره کړي، داسې کار دی چې نه نتنیاهو کړی، نه هټلر، نه فرانکو او نه هم سالازار کړی دی.
د پترو پر وینا، د متحده ایالاتو له لوري د جنوبي امریکا د یوې پلازمېنې بمبار د شرم ځاي دی، چې د دې وچې اوسېدونکي به یې نسلونه نسلونه هېره نه کړي.
پترو زیاتوي، باید د لاتینې امریکا د هېوادونو ترمنځ یو داسې ائتلاف جوړ شي، چې تر هر څه وړاندې د نننیو بمباریو پر وړاندې ودرېږي.
