کابل (کوه نور، ۲۵ مېزان ۱۴۰۴): کینیا کې لږ تر لږه دوه تنه وروسته له هغې وژل شوي، چې پولیسو د یاد هېواد مرکز نایروبي کې د اپوزیسیون د مشر رایلا اودینګا، پر مړي د راټولو شویو ویر کوونکو د خورېدلو لپاره ډزې وکړې.
پولیسو هڅه کوله، چې هغه خلک تیت کړي، چې د یو فوټبال لوبغالي کې د اودینګا د جسد د لیدو لپاره راټول شوي وو.
د نړۍوالو رسنیو راپورونه وایي، چې دا ډزې د نایروبي په یوه ۶۰ زره کسیز فوټبال لوبغالي کې شوې دي؛ چیرې، چې د اودینګا د تابوت عامه لیدنه ټاکل شوې وه.
د کینیا د پولیسو د عملیاتو مشر اډمسن بونګی دا پېښه تایید کړې ده.
د الجزیرې د راپور له مخې، رایلا اودینګا، د کینیا یو مخکښ اپوزیسیون مشر و، چې روانه اوونۍ په هند کې ومړ.
د هغه جسد د تدفین تر مراسمو وړاندې خلکو ته د لیدو لپاره ایښودل شوی و؛ خو د خلکو د ګڼې ګوڼې او ګډوډۍ له امله وضعیت کړکیچن او پولیس ډزو کولو ته اړ شول.
