د ۲۰۲۴ کرکټ شل اوريز نړۍوال جام چې شل لوبډله پکې برخه اخيستې وه تېره شپه يې پای لوبه د هند او سويلي افريقا ترمنځ ترسره شوه.
په ياده لوبه کې هند لومړۍ توپوهنه وکړه او په ټاکلو شل اورونو کې يې د ۷ لوبغاړو په اوټ کېدو سیالې لوبډلې ته د ۱۷۷ منډو هدف وټاکه.
په ځوابي توپوهنه کې سويلي افريقا د ټولو اورونو په لوبولو سره ونه توانېده چې دغه هدف پوره کړي او د ۷ منډو په توپير يې ماتې وخوړه.
د هند لپاره ويرات کوهلي تر نورو ډېرې ۷۶ منډې وکړې او دغه راز هندی تېز توپ اچوونکی جسپرت بومرا بیا د دغه شل اوريز نړۍوال جام ترټولو غوره توپ اچوونکی وګڼل شو.
دا لومړی ځل وو چې سويلي افريقا د خپل کرکټ په تاريخ کې د نړۍوال جام پای لوبې ته ووتل، خو بريالي نشول چې دغه اتلولي وګټي.
په ياد جام کې ترټولو ډېرې ۲۸۱ منډې دې رحمن الله ګربز او ترټولو ډېرې ۱۷ ويکټې په اته لوبو کې د افغان تېز توپ اچوونکی فضل الحق فاروقي وې.
