خبرياله: نازو عمري
د اوکراین ولسمشر ولادیمیر زلنسکي نن پر خپل ټلګرام لیکلي؛ چې روسیې تېره شپه پر دې هېواد پراخ هوايي برېدونه کړي؛ چې په پایله کې ٤ کسان وژل شوي او ګڼ نور ټپيان دي.
زلنسکي ویلي، روسیې شاوخوا ۳۰۰ بېپیلوټه الوتکې، ۱۸ بالستیک توغندي او اووه کروز توغندي توغولي دي.
نوموړي زیاته کړې چې د بریدونو موخه د انرژۍ د تولید فابریکې او برېښنايي سبسټېشنونه وو.
په همدې حال کې د اوکراین د انرژۍ وزارت اعلان کړی چې د بېړنۍ برېښنا پرې کیدنې لړۍ د پلازمينې کیف ترڅنګ دګڼو نورو ولایتونو لکه چرنیه یف، اودېسا، خارکیف، دنیپروپتروفسک، زاپوریژیا او دونټسک کې پلې شوې ده.
روسي چارواکو تر اوسه په دې اړه څرګندونې ندي کړي.
