خبرياله: نازو عمري
داوکراین ولسمشر ولادیمیر زلنسکي وايي، چې پر هېواد یې د روسیې وروستي برېدونه د روسيې د ترهګرۍ ښکاره بېلګې دي.
زلنسکي همدراز ویلي، چې روسیې په سړې هوا کې د دغه هېواد د انرژۍ سیستم اغېزمن کړی دی .
زلنسکي دغه راز ویلي، چې تېرې یوې اوونۍ کې روسیې پر اوکراین ١١ سوه ډرون الوتکې٨٩٠ بمونه او لږترلږه ٥٠ بېلا بېل توغندي توغولي.
نوموړي په خپلو خبرو کې زیاته کړې چې د روسيې له بریدونو وروسته د اوکراین د ډېرو سېمو حالت د اندیښنې وړ دی.
د یادونې وړ ده، چې درې ورځې وړاندې اوکراین پر روسیې پراخ توغندیز برېدونه ترسره کړي وو چې په پایله کې دشپږ سوه زرو ودانېو برېښنا پرې شوې وه .
