رویټرز خبري اژانس خبر ورکړی چې د اوکراین ولسمشر ولاديمیر زیلینسکي په جده کې د سعودي عربستان له ولیعهد محمد بن سلمان سره لیدلي دي.
د یاد اژانس په خبر کې راغلي چې په دغه ناسته کې دواړو غاړو په اوکراین کې د جګړې د پای ته رسولو لپاره خبرې شوې دي.
محمد بن سلمان له زیلینسکي سره په اوکراین کې د کړکېچ د حل او سولې ته د رسېدلو لپاره د نړۍوالو هڅو د ملاتړ ژمنه کړې ده.
د یادونې وړ ده چې د امریکایې او اوکرایني چارواکو ترمنځ به نن(سه شنبه، د کب ۲۱مه)په همدې ښار کې د اوکراین او روسیې د کړکېچ د حل او سولې راوستلو په موخه خبرې پیل شي.
