خبريال: فرمان الله زبيرزی
د برېتانوي رسنیو نن راپور ورکړی، چې د امریکا ولسمشر ډونالډ ټرمپ او د اوکراین ولسمشر ولودیمیر زېلېنسکي ښايي د سویس په داووس ښار کې د اوکراین د بیارغوونې لپاره ۸۰۰ میلیاردو ډالرو په ارزښت یو تړون لاسلیک کړي.
د ټیلیګراف ورځپاڼې د لوېدیځو او اوکرایني چارواکو له قوله لیکلي «زېلېنسکي او ټرمپ به په یوه سویسي غرنۍ تفریحي سیمه کې سره وګوري، او تمه ده چې یو تړون لاسلیک کړي.
د ورځپاڼې معلوماتو پراساس، اروپايي چارواکو پر زېلېنسکي ټینګار کړی، چې له ټرمپ سره په خبرو کې ځنډ ونه کړي، ټرمپ دا مهال د جګړې د پای ته رسولو لپاره د دوی له هغو هڅو ملاتړ کوي چې د کییف په ګټه تمامېږي.
