سيانان ويلي، په سويس کې د سلو هېوادونو استازي د اوکراين د ولسمشر په ګډون د دې لپاره راټول شوي وو چې د روسيې او اوکراین د سولې لپاره حل لار ولټوي.
د اوکراين ولسمشر زيلنسکي ويلي، د جګړې د پای ته رسولو لپاره خپل وړاندیزونه استوي، خو نوموړي په دې چاره کې د خپلو متحدو او ملاتړو هېوادونو رضايت اړين بللی دی.
ده ويلي، ««وياړي چې د نړۍ د سولې په سرمشريزه کې ګډونوال دی»» او له غړو هېوادونو يې غوښتنه کړې چې د دواړو هېوادونو په مسله کې دې فعال اووسي.
ورته مهال بیا امريکا له اوکراین سره د ۱.۵ مليارده ډالرو د مرستې اعلان هم کړی چې د جګړې له امله زيانمن ځايونه بېرته ورغوي او دغه راز بشري اړتياوې پوره کړي.
بلخوا بیا پوتين په اوکراين کې د جنګ له منځه وړلو لپاره د اوکراین دننه ځمکې غواړي او د اوربند لپاره يې همدا شرط ټاکلی دی، هغه چې اوکراين يې د تسليمي په معنی بولي.
د اوکراين او روسيې ترمنځ د جګړې موده له دوو کلونو اوړي خو لا يې هم د حل په موخه کومه پايله نده لرلې.
