د رویټرز خبري اژانس د راپور له مخې په سوېلي کوریا کې د پراخې اور لګېدنې له امله ۲۷ زره کسان د خپلو کورونو پرېښودلو ته اړ شوي دي.
د یاد اژانس په راپور کې راغلي چې په دغه اور لګېدنه کې د یاد هېواد په سوېل ختیځ سیمه کې د پراخې اور لګېدنې له امله تقریباً ۱۸ تنو خپل ژوند له لاسه ورکړی دی.
په راپور کې راغلي دغه اورلګېدنه پرون د سه شنبې په ورځ رامنځته شوې ده چې د سوېلي کوریا سویل ختیځي برخې یو شمېر سیمې یې سوځولي او د یادې سیمې لږ تر لږه ۲۷ زره خلکو خپل کورونه پرېښي دي.
د یاد هېواد سرپرست ولسمشر هان دوک سو وعده چې ددغه اور لګېدنې د مهار کولو لپاره به د حکومت له ټولو امکاناتو څخه کار اخلي.
