د ايران سپاه پاسداران ځواکونو مرستیال محمد رضا نقدي ادعا کړې چې د دغه هېواد له لوري جوړ شوي توغوندي د نړۍ هره نقطه کې اهداف په نښه کولای شي.
نوموړي دغه څرګندونې تېره ورځ د ايران له دولتي تلويزون (صدا و سیما) سره په یوه مرکه کې کړي دي.
نوموړي دغه راز ټينګار کړی چې هېواد يې په نظامي برخه کې د هر ډول فناوری وړتيا لري.
نوموړی دغه څرګندونې داسې مهال کوي چې دغه هېواد تازه د اعتماد په نوم نوی توغندی نندارې ته وړاندې کړی دی.
ايراني رسنيو ويلي، دغه توغندی دفاع وزارت له لوري جوړ شوی او تر ۱۷۰۰ کيلو متره اندازه پورې اهداف په نښه کولای شي.
بايد ياده شي چې لويدیځ بار بار د ايران د توغنديز شرکتونو او برنامو په اړه اندیښنه څرکنده کړې ده.
