عراقي چارواکي وايي، چې ځواکونو یې په د بغداد په شمال لویدیځ کې د داعش ډلې لس غړي وژلي دي.
د عراق امنیتي ځواکونو ویلي، یادو کسانو غوښتل چې د روژې میاشت کې پر مختلفو سیمو بریدونه وکړي.
اوس مهال د عراق په مختلفو سیمو کې د مخالفو وسله والو د له منځه وړلو لپاره عملیات پیل شوي چې د پوځ ترڅنګ په کې ایراني پلوه شعیه ملیشې هم برخه لري.
که څه هم په عراق کې د داعش ډلې د غړو شمېر مالوم نه دی؛ خو د ملګرو ملتونو د تازه راپور له مخې، دمګړی په یاد هېواد کې نږدې پنځه زره داعش وسله وال شته، چې ډېری یې د عراق په شمال کې دي.
دا عملیات په داسې حال کې ترسره کېږي چې ټاکل شوې اوس مهال له عراق څخه د امریکا په مشرۍ د ایتلافي ځواکونو د وتلو پر سر خبرې روانې دي.
