د پاکستان پخواني لومړي وزیر عمران خان ویلي، عاصم منیر له افغانستان سره قصداً جګړه کوي، چې هدف یې یواځې نړۍوالو ته ځان د یوه "مج.اهد" په توګه ښکاره کول دي.
د نوموړي پر وینا، د عاصم منیر پالېسي د پاکستان لپاره تباه کوونکې ده، چې د همدغو تګلارو له امله یې نن هېواد د ترهګرۍ له سخت ناورین سره مخ دی.
خان ویلي، منیر ته د خپل هېواد د ګټو هېڅ پروا نشته او دا هر څه یوازې د لوېدیځو هېوادونو د خوشحالۍ لپاره ترسره کوي.
هغه په وروستیو کې زیاته کړې، تل یې ویلي، چې پر خپلو خلکو ډرون بریدونه او نظامي عملیات یوازې ترهګري نوره هم زیاتوي او بس.
