فارس خبري اژانس ويلي، چې امريکا د یوې ایراني سوداګریزې بېړۍ د څو اوونیو نیولو وروسته، اوس نښې ښيي چې امریکا په بشپړ ډول شاتګ کړی او د «توسکا» بېړۍ او ټول کاري ټيم يې بېرته ته ايران ته وسپاري.
همدې حال کې بيا د «ایبيسي» خبري شبکې د امریکا د مرکزي قوماندانۍ په حواله راپور ورکړی، چې د «توسکا» په نوم د نیول شوې ایراني بېړۍ د بېرته سپارلو بهیر رسماً پیل شوی او نيول شوي ۲۲ تنه به ايران ته ولېږدوي.
په راپور کې راغلي، چې هغه ۲۲ ایراني سمندري کارکونکي چې دوه اونۍ مخکې د امریکایي ځواکونو له لوري نیول شوي وو، اوس پاکستان ته لېږدول شوي، له هغه ځایه به تهران ته ولېږدول شي.
د سرچينې په وينا، چې د «توسکا» بېړۍ هم د پاکستان اوبو ته انتقال شوې، تر څو خپل اصلي مالک ته وسپارل شي.
