خبریال: فرمان الله زبیرزی
د امریکا د بهرنیو چارو وزیر مارکو روبې ویلي، وینزویلا له مجرمانو سره همکاري کوي او ترهګرو ډلو ته اجازه ورکوي، چې په آزاده توګه د یاد هېواد خاوره کې فعالیت وکړي.
نوموړی زیاتوي، زموږ هدف امنیت ساتل دي او موږ د وینزویلا څخه د نشه یي موادو د قاچاقو پر وړاندې مبارزه کوو، ځکه چې له وینزویلا امریکا ته لوی ګواښونه راپورته کېږي.
د مارکو روبیو پر وینا، دوی په لاتیني امریکا کې د ترهګرو او د نشه يي موادو قاچاق کوونکو ډلو پر وړاندې جګړه کوي.
د سر چینې د معلوماتو پر اساس، وینزویلا د کارابین سیمې د بې ثباتۍ تر ټولو لویه سرچینه ده؛ چې له ایران، حزب الله او د نشه يي موادو قاچاقو ډلو سره همکاري کوي.
نوموړي همدارز ویلي،د وینزویلا حکومت او د نشه يي موادو قاچاق کوونکو ډلو تر منځ کلکې اړیکې موجودې دي.
هغه ویلي، وینزویلا د نشه يي موادو د قاچاق د پیل ټکی دی او د دې نظام له ترهګرو ډلو سره همکاري کوي.
