د بنګلهدېش هېواد د رسنیو د خبر له مخې، مخکنی لوړپوړی مشر او د نوبل جایزې ګټونکی محمد یونس به د پنجشنبې په ماښام ناوخته د لنډمهالي حکومت د ادارې له لسګونو نورو غړو سره یو ځای لوړه وکړي.
د پوځ مشر جنرال وقارالزمان د چهارشنبې په ورځ ناوخته په یوې خبري غونډه کې ویلي چې پوځ د نظم د بیارغولو په برخه کې له محمد یونس څخه خپل ملاتړ کړی دی.
84 کلن محمدیونس ویلي، په دې لنډمهالې دوره کې له مرستې پرته بله کومه سیاسي هیله نهلري.
یونس د چهارشنبې په ورځ په یوه بیان کې وویل: «زه له ټولو څخه په کلکه غوښتنه کوم چې ارامه اوسئ او له هر ډول تاوتریخوالي ډډه وکړئ.»
محمد یونس په ۱۹۴۰ کال کې په بنګلهدېش کې زېږیدلی او د ادارې او تجارت په برخه کې یې تر دوکتورا پورې لوړې زدهکړې کړې دي.
هغه تر دې مهاله څلور نړیوالې جایزې ګټلې دي.
