د مراکش سواحلو ته نږدې د کډوالو يوه کښتۍ چې له لويديځې افريقا د اسپانیا کاناري ټاپو ګانو ته پر لار وه، ډوبه شوې ده.
د مالي بهرنيو چارو وزارت ويلي، دغه کښتۍ کې اتيا تنه سپاره وو چې يواځې يوولس تنه ژغورل شوي دي.
دغه کښتۍ له افريقا څخه د اروپا په لوري له مرګوني مسير څخه د تېرېدو په حال کې وه.
د راپورنو له مخې، د روان زيږديز کال لومړيو پنځه مياشتو کې له افريقا څخه اروپا ته د رسېدو په تکل ۵۰۰۰ کسان وژل شوي دي.
دا لومړی ځل ندی چې د کاناري ټاپو ګانو ته د رسېدو په هوډ دغه کډوال وژل کيږي، بلکې له دې وړاندې هم سلګونه تنه د انتلاتيک سمندر پر مسير وژل شوي دي.
بايد ياده شي چې څه موده وړاندې يونان کې د يوې کښتۍ ډوبېدو له امله اته تنه افغان کډوال وژل شوي وو.
