په پاکستان کې د ایران سفیر، رضا امیري مقدم ویلي، چې له امریکا سره به اختلافات تر هغه وخته دوام ولري، تر څو چې سمندري کلابندي پای ته نه وي رسیدلې.
مقدم امریکا ته په نغوتې زیاته کړې: «تاسو نشئ کولی له نړیوالو قوانینو سرغړونې ته دوام ورکړئ، کلابندي نوره هم زیاته کړئ، ایران ته د نورو جنګي جرمونو ګواښ وکړئ، پر خپلو غیر منطقي غوښتنو ټینګار وکړئ او په غیر ضروري څرګندونو کې تر نورو مخکې شئ؛ خو بیا هم د ډیپلوماسۍ د تعقیب ادعا وکړئ.»
بلخوا امریکا ویلي، چې نن به یې د دویم پړاو مذاکراتو لپاره پلاوی اسلاماباد ته لاړ شي.
هممهاله ایران بیا ویلي، چې په یادو مذاکراتو کې د ګډون لپاره کوم پلان نه لري.
