د نړۍوالو رسنیو د راپورونو له مخې د نایجریا په شمال کې د سختو بارانونو او سېلابونو له امله ۱۱۵ تنو خپل ژوند له لاسه ورکړی او زرګونه کورونه یې ویجاړ کړي دي.
د الجزیرې شبکې د راپور له مخې دغه سېلابونه د تېرې چهارشنبې په ورځ د نایجریا په شمال موکوا ښار کې راوتلي و چې له له امله یې ۱۱۵ تنه مړه شوي او د ژغورنې ډلې لا هم د قربانیانو په لټه کې دې.
د نېجر ایالت د بېړني حالت ادارې ویاند ابراهیم عودو حسیني ویلي چې تر اوسه مو د ۱۱۵ تنو جسدونه موندلي او ښایې د مړو شمېر له دې هم مخ پورته لاړ شي.
د الجزیرې یو خبریال احمد ادریس چې له سیمې یې راپور ورکاوه ویلي چې د یادې سیمې خلکو ته حکومت بیا بیا ویلي چې د سیند پر غاړه دې له کورونو جوړولو ډډه وکړي خو دوی بیا هم په هر باراني موسم کې پراخ تلفات ګوري.
ادریس ویلي دغه ډول پېښې هر کال د بېړنیو پېښو د ادارې د نه امادګۍ له امله رامنځته کېږي چې ګڼ شمېر خلک له بدلیدونکو شرایطو څخه نا خوښه دي.
د یادونې وړ ده چې تېر کال هم په نایجریا کې له تېرو څو لسیزو وروسته همدا ډول یوه مرګونې پېښه رامنځته شوه چې له امله یې ۱۲۰۰ تنه ووژل شول.
