که حماس خپلې وسلې کېږدي او برمته وګړي ازاد کړي؛ نو جګړه نن هم پای ته رسېدلی شي
د اسرایلو لومړي وزیر بینامین نتنیاهو ویلي، که حماس غورځنګ خپلې وسلې کېږدي او برمته وګړي ازاد کړي نو جګړه همدا اوس هم پای ته رسېدای شي.
نوموړي ویلي، چې هدف یې د غزې اشغال نه؛ بلکې د غزې او اسرایلو لپاره د یو نوي راتلونکي جوړول دي.
یاهو همدارنګه زیاته کړې چې دې هدف ته د رسېدو لپاره پر ځان ډېر باور لري.
دا په داسې حال کې ده، چې اسرائیل د حماس له لوري د اوربند لپاره د وړاندیز شوې طرحې په ارزونه بوخت دي.
سره له دې، چې حماس تر اوسه په دې اړه څه نه دي ویلي؛ خو تر دې وړاندې یې تل ټینګار کړی، چې تر وروستي څاڅکي وینې پورې به وجنګیږي.
