نتنیاهو ټرمپ سره د ليدو په موخه واشنګټن ته ورسېد

امريکايي رسنيو ويلي، د اسرايلو لومړي وزير بنيامين نتنياهو د امريکا له ولسمشر ډونالډ ټرمپ سره د ليدلو په موخه متحده ايالاتو ته رسېدلی دی‌.
نيويارک ټايمز ويلي، د نتنیاهو الوتکه واشنګټن ته نږدې په اندروز هوايي ډګر کې ښکته شوې ده.
سرچینې د دغه سفر موخه غزه کې اوربند او د اسرايلي بنديانو ازادول دي.
نوموړی به سبا سه شنبه له ولسمشر ډونالډ ټرمپ سره وويني.
د ټرمپ له ولسمشر کېدو وروسته دا لومړی ولسمشر دی چې متحده ايالتونو ته سفر کوي.
نتنياهو دغه سفر داسې مهال کوي چې قطر يو ځل بیا غزه کې پر اوربند ټينګار کړی او له دواړو لوريو یې غوښتي چې د دغه هېواد په منځګړيتوب د مذاکراتو بل پړاو هم پيل کړي.