ڪابل (ڪوه نور، ۲۲ جدي ۱۴۰۴): د اسراییلو لومړي وزیر بنیامین نتانیاهو ویلي، دوی په ایران کې د پراخو لاریونونو وضعیت "په دقت" څاري؛ خو د مستقیمې مداخلې کوم پلان نه لري.
د "تایمز آف اسراییل" ورځپاڼې د راپور له مخې، نتانیاهو د یکشنبې په شپه، د جنورۍ په ۱۱مه، د کابینې په اوونیزه ناسته کې د ایران د ملکي وګړو وژل کېدل غندلي او د ایرانیانو زړورتیا یې ستایلې ده.
راپور زیاتوي، یو اسراییلي چارواکي ویلي، نتانیاهو او د امریکا د بهرنیو چارو وزیر مارکو روبیو د شنبې شپې په خبرو کې د ایران په ګډون پر یو شمېر موضوعاتو خبرې کړې دي.
د اسراییلو پوځ هم ویلي، سره له دې چې لاریونونه د ایران کورنۍ مسأله ده؛ خو که اړتیا پېښه شي د "پیاوړي غبرګون" لپاره چمتو دی.
په ایران کې دا پراخ لاریونونه، چې څو ورځې وړاندې پیل شوې، نړۍوال غبرګونونه یې راپارولي دي.
باید وویل شي، چې دا لاریونونه لومړی د اقتصادي ستونزو او د نرخونو د لوړوالي له امله پیل شول؛ خو ورو ورو یې د اسلامي جمهوري نظام پر ضد د یو مخالفت بڼه غوره کړې ده.
