خبرياله: نازو عمري
د وینزویلا پخوانی ولسشمر نیکولاس مادورو او مېرمن یې سیلیا فلورېس، چې د امریکا له خوا د نشه یي توکو پر قاچاق او د ترهګرۍ په تور تورن شوي، نن د نیویارک یوې فدرالي محکمې ته وړاندې کېږي.
د راپورونو له مخې، دوی د شنبې په ورځ د امریکايي ځانګړو ځواکونو لخوا د وینزویلا په پلازمېنه کاراکاس کې ونیول شول، چې اوس په نیویارک ښار کې د سختو امنیتي تدابیرو ترڅار لاندې دي.
بل لور ته، د امریکا ولسمشر ډونالډ ټرمپ خبرداری ورکړی، چې که د وینزویلا موقتي مشره دلسي رودریګز او نور چارواکي له امریکا سره همکاري و نه کړي، نو "درنه سزا" به وويني.
ټرمپ دا څرګندونې، داسې مهال کوي چې رودریګز د امریکایي عملیاتو غندنه کړې وه او ویلي وو ، چې دا دملګرو ملتونو له منشوره ښکاره سرغړونه ده.
