خبريال: فرمان الله زبيرزی
د نړۍ والو رسنیو د راپورونو له مخې، هانګ کانګ کې د رامنځ ته شوې اورلګېدنې له امله د مړو شمېر ۱۲۸ تنو ته رسېدلی او لږ تر لږه ۲۰۰ تنه لا هم ورک دي.
د هانګ کانګ د امنیت سکرتر کریس تانګ، له رسنیو سره په خبرو کې ویلي، یاده اورلګېدنه کې تر دې دمه ۷۹ کسان ټپیان دي او ۸۹ جسدونه لا هم نه دې پېژندل شوي.
کریس تانګ همدا راز ویلي، چې حکومت دهیڅ معلوماتو پټولو اراده نه لري او د اړتیا په وخت کې به نور جزئیات هم خپاره کړي.
باید وویل شي، چې هانګ کانګ کې څو ورځې وړاندې اورلګېدنه رامنځته شوه او ګڼ شمېر خلکو ته یې مالي او ځاني زیانونه واړول.
