کابل (کوه نور، ۳ سنبله ۱۴۰۴):
هسپانیا کې روانې اګست میاشت کې د ګرمۍ ۱۶ ورځنۍ څپه د دې هېواد په تاریخ کې تر ټولو بې ساري ګرمه څپه بلل شوې ده.
د دې هېواد د هوا پېژندنې ملي ادارې ویلي، د ګرمۍ دا څپه، چې د روانې اګست میاشتې له ۳-۱۸ تاریخه یې دوام کړی د ۲۰۲۲ کال د جولای میاشتې د ګرمۍ ریکارډ یې مات کړی دی.
د دې ادارې د مالوماتو له مخې، د دې ګرمۍ اندازه د ۲۰۲۲ کال د جولای میاشتې په پرتله په اوسط ډول ۴,۶ درجې سلېس لوړه وه.
د راپورونو په اساس هسپانیا کې د ګرمۍ له دې څپې سره سم وچکالي او اورلګېدنه رامنځته شوې ده.
د کارلوس په نوم د یوه روغتیایې بنسټ پر وینا، د دې ګرمې څپې له امله له ۱۱ ډېرې د وژنو پېښې ثبت شوې دي.
باید وویل شي، چې هسپانیا کې له ۱۹۷۵ کال راپه دېخوا د ګرمۍ ۷۷ څپې ثبت شوې دي، چې په دې کې تر ټولو قوي پنځه څپې یې له ۲۰۱۹ کال راهیسې ثبت شوې دي.
