هند او چین هومره کړې چې د دواړو هېوادونو ترمنځ له پنځه کلونو وروسته مسافر وړونکو الوتکو خدمات په مستقیمه توګه پیل کړي.
دغه خدمات د کرونا وبا پر مهال ودرېدل او د بېجنګ او ډهلي ترمنځ د اړيکو له خرابېدو ورسته بیا پیل نشول.
د هند د بهرنيو چارو وزارت ويلي، ياده هوکړه يې له چين سره کړې چې له مخې به يې د دواړو هېوادونو ترمنځ مستقيمې الوتنې پيل شي.
سرچینې ويلي، د دواړو هېوادونو تخنيکي ډلې به په نږدې راتلونکي کې په دې اړه ناسته هم وکړي.
د هندي رسنیو د راپورنو له مخې، له کرونا وبا وړانډې د دواړو هېوادونو ترمنځ د مياشتې ۵۰۰ مستقیمې الوتنې ترسره کېدې.
بايد ياده شي چې د چین د بهرنیوچارو وزارت هم له هند سره د اړيکو پياوړتيا د دواړو هېوادونو له اساسي ګټو بللې ده.
