د راپورونو په اساس هندي چارواکو د یاد هېواد تر واکې لاندې کشمير سیمه کې پاکستاني وګړو ته د یادې سیمې د پرېښودلو امر کړی دی.
په راپورنو کې راغلي هندي چارواکو دغه پرېکړه په یاده سیمه کې پر سېلانیانو د برید کولو څخه وروسته کړې ده.
په همدې حال کې د هند د بهرنیو چارو وزارت له پاکستان سره د ډیپلوماتیکو اړیکو د کم رنګه کېدو خبر هم ورکړی دی.
باید وویل شي چې د هند او پاکستان هېوادونو تر منځ اړیکې هغه مهال نازکې شوې چې پرون د هند تر ولکې لاندې کشمیر سیمه کې د برید له امله ۲۶ تنه سېلانیان مړه او لسګونه نور ټپیان شوي وو.
