د هند هوايي ځواک ويلي، پاکستان سره يې د نښتې پر مهال د ياد هېواد پنځه جنګي جيټ الوتکې را غورځولي دي.
دغه څرګندونې د هند د هوايي ځواک مشر اېپي سېنګ د هند بنګلور ښار کې د يوې ناستې پر مهال کړي دي.
نوموړي دغه راز ويلي، پر پنځه جيټ الوتکو سربېره يې يوه لويه الوتکه هم له منځه وړې ده.
هغه ويلي، دغه الوتکه د خبرتيا او کنټرول په موخه کارول کېده.
سينګ دغه راز ويلي، د پاکستان پر هوايي هډو يې د روسيې جوړ S- 400 توغنديو څخه کار اخيستی دی.
نوموړي همداراز ادعا کړې ده چې د پاکستان هوايي اډو کې یې امريکايي F-16 جيټ هم زيانمنې کړې دي.
نوموړی دغه څرګندونې داسې مهال کوي چې د پاکستان دفاع وزير خواجه اصف هم يوه تلويزوني مرکه کې ادعا کړې وه چې د هند درې الوتکې يې له منځه وړي دي.
ياده دې وي چې پاکستان تراوسه د هند د دغه جګپوړي پوځي چارواکي څرګندونو ته غبرګون نهدی ښودلی.
