د هندی رسنیو د راپورنو له مخې، د هند تر ولکې لاندې جمو او کشمیر کې له وسلهوالو سره په نښته کې څلور پوځیان وژل شوي او پنځه نور ټپیان دي.
د راپورنو له مخې، پېښه د دوشنبې په شپه هغه مهال رامنځته شوه چې امنیتي ځواکونو د جمو ایالت د دودا سیمه کې د تلاشۍ عملیات کول.
ورته مهال ډهلي پر اسلاماباد تور پورې کوي چې وسلهوالو ته پناه ورکوي او په سيمه کې سوله ګډوډوي؛ خو پاکستان دا تور ردوي.
د برید پړه د کشمیر ټایګرز ډلې پر غاړه اخیستی.
د یادونې وړ ده چې د جون له میاشتي راهیسې په دې سیمه کې لږ تر لږه اته بریدونه شوي دي.
