د روسیې ولسمشر ولادیمیر پوتین د نوي کال په مناسبت د شمالي کوریا مشر کیم جونګ اون ته د مبارکۍ پیغام لېږلی او ۲۰۲۵ یې د دواړو هېوادونو لپاره "د ځانګړې اهمیت کال" بللی دی.
د شمالي کوریا رسمي خبري آژانس KCNA نن چهارشنبه شپه، د ډسمبر ۲۵مه راپور ورکړی، چې دا پیغام د ډسمبر پر ۱۸مه نېټه لېږل شوی و.
پوتین پخپل پیغام کې یادونه کړې، چې د کوریايي پوځیانو حضور د روسیې د کورسک سیمې د آزادۍ جګړو کې او همداراز روسیه کې د کوریايي انجنیرانو فعالیتونه، د دواړو هېوادونو تر منځ د دوستۍ او همکارۍ څرګندونه کوي.
دا پیغام په داسې حال کې لېږل شوی، چې روسیې او شمالي کوریا د ۲۰۲۵ په ترڅ کې خپلې پوځي او اقتصادي اړیکې لا پیاوړې کړې دي او د دوه اړخیزو همکاریو پراخولو ته ژمن ښکاري.
