د امریکا ولسمشر ډونالډ ټرمپ حماس ته په خپل وروستي خبرداري کې ويلي، اسرايلي بنديان سمدستي ازاد کړئ.
نوموړي پر اېکس ليکلي: « سلام حماس! يعنې سلام او خدای پامان، تاسو کولای شئ ټاکنه وکړئ او ټول بنديان سمدستي ازاد کړئ.»
دی همداراز ويلي، د هغو کسانو جسدونه هم وسپارئ چې وژلي یې دي.
ټرمپ دغه راز ګواښ کړی که حماس يې خبره ونه مني، نو ټول هغه سه به د اسرايلو په واک کې ورکړي چې اړتيا ورته لري.
نوموړي دغه راز ويلي، حماس لا هم فرصت لري او يو ښکلی راتلونکی ورته انتظار دی.
ټرمپ له دې وړاندې هم ګواښ کړی وو که حماس اسرايلي اسیران ازاد نکړي، نو له غزې به جهنم جوړ کړي.
د يادونې ده چې لا حماس غورځنګ د ټرمپ څرګندونو ته کوم غبرګون ندی ښودلی.
