کابل (کوه نور، ۲۸ سنبله ۱۴۰۴): د امریکا ولسمشر ډونالډ ټرمپ ویلي، افغانستان کې د بګرام هوایې اډې د نیولو په تړاو د افغانستان له حکومتي چارواکو سره خبرې کووم.
ټرمپ پرون سپینه کې ماڼۍ خبریالانو ته ویلي، امریکایې ځواکونو باید هیڅ وخت د بګرام هوایې اډه افغان حکومت ته نه وی پرېښې.
نوموړي سپینه ماڼۍ کې له خبرو یوه ورځ وړاندې لندن کې د سفر پر مهال یوې خبري غونډې ته ویلي و، چې حکومت یې هڅې پیل کړي؛ ترڅو خپل ځواکونه د بګرام هوایې اډې ته ولېږدوي.
هغه د لندن غونډه کې ویلي و، چې د بګرام اډه خورا ارزښتمنه، د ستراتیژیک اهمیت لرونکې او د چین اټومي تاسیساتو ته نږدې اډه ده.
په همدې حال کې د چین د بهرنیو چارو وزارت ویاند، لین جیان د پنج شنبې په ورځ په پیکنګ کې ویلي، چې هېواد یې د افغانستان ځمکنۍ بشپړتیا او حاکمیت ته درناوی لري.
لین جیان زیاته کړې، د افغانستان راتلونکی ټاکل افغانانو پورې اړه لري او پر وینا یې، چې چین هیله لري؛ ترڅو ښکېلې خواوې په سیمهییز ثبات کې رغنده رول ولوبوي.
