د امريکا ولسمشر ډونالډ ټرمپ له پوليتيکو سره په خبرو کې ويلي، چې د دې وخت را رسېدلی، ترڅو د ايت الله خامنهاي ۳۷ کلنه واکمني نسکوره او دغه هېواد کې يوه نوې واکمني رامنځته شي.
ټرمپ دغه څرګندونې وروسته له هغې کوي، چې ايران کې له تېرو دوو اونيو پيل شوي لاريونونه بېرته د عادي کېدو لور ته روان دي.
ټرمپ دغه راز د ايران اوسنۍ واکمني ناکامه بللې او ويلي دي ايران د خامنهاي واکمني کې پر يو بدترين ځای بدل شوی دی.
که څه هم ټرمپ د دغه لاريونونو پر مهال ايران ته ګواښ کړی وو، که يې لاريونوال ووژل نو نظامي اقدام به وکړي؛ خو دغه پرېکړه يې د هغه ۸۰۰ ايرانيانو د نه اعدامولو په بدل کې واخیسته چې قضايه قوې یې د اعدام په اړه ويلي وو.
ټرمپ ويلي وو، دا يوه ښه پرېکړه وه.
دا په داسې حال کې ده چې د ايران مذهبي مشر خامنهاي ټرمپ د ايران د لاريونونو لامل بللی او هغه ته يې د مجرم خطاب کړی دی.
