کابل کوه نور، ۴ سنبله ۱۴۰۴):
د امریکا ولسمشر ډونالډ ټرمپ د فدرالي ریرزف غړې لېزا کوک له دندې ګوښه کړې، چې له دې کار سره یې د مرکزي بانک پر وړاندې د نوموړي جګړه نور هم توده شوې ده.
ډونالډ ټرمپ د دوشنبې په ورځ اعلان کړی، چې د فدرالي ریزرف غړې لیزا له دندې د ګوښه کېدو لپاره خورا ډېر دلیلونه لري.
له دندې د لېزا کوک د لري کولو پرېکړه د ولسمشر ټرمپ پر ټولنیزو رسنیو پر خپاره شوي لیک کې تایئد شوې ده.
د سي ان ان د راپور له مخې، دا په یو سل او یوولس کالونو کې لومړی ځل دی، چې یو ولسمشر د مرکزي بانک یوه کارکوونکې له دندې ګوښه کوي.
د ډونالډ ټرمپ دې بې ساري اقدام د فدرالي ریزرف او ټرمپ ترمنځ شخړه نوره هم جدي کړې؛ خو ټرمپ نیوکه کړې، چې فدرالي ریزرف د سود د کچې کمولو کې ډېر ځنډ کوي.
لېزا کوک په دې وروستیو کې د ټرمپ او د هغه د ادارې د ځینو غړو تر سختو نیوکو لاندې راغلې وه او نوموړې یې د رهنۍ درغلۍ په تور تورنه کړې وه.
بل پلو د امریکا د عدلیې وزارت د دې تورونو د څېړنو خبره کړې، چې د لومړي ځل لپاره د فدرالي کورنۍ د مالیې د ادارې مشر بِل پولیټ لخوا پورته شوي وو.
