د امريکا ولسمشر ډونالډ ټرمپ ويلي، . وينزويلا د ولسمشر نيکولاس مادورو لپاره مناسبه لار دا ده چې واک پریږدي.
هغه دغه څرګندونې تېره ورځ خبريالانو ته کړي دي.
ټرمپ دغه راز ويلي، اختيار له نيکولاس سره دی، چې واک کې پاتې کيږي او که واک پرېږدي.
ټرمپ دغه څرګندونې وروسته له هغې کوي چې د امريکا ساحلي ځواکونو وينزويلا ته روانې د تېلو وړونکې کښتۍ هم درولي دي.
هاخوا بيا د امريکا F_35 الوتکو د وينزويلا پر ځينو ټاپو ګانو تمريناتي ګزمې هم کړي دي.
دا په داسې حال کې ده چې نيکولاس ويلي، «ټرمپ د دې لپاره چې زمونژ د هېواد د تیلو ذخيري ترلاسه کړي، ما له واک لري کوي، خو دا ناممکنه ده.»
