کابل (کوه نور، ۸ لیندۍ ۱۴۰۴): د امریکا ولسمشر ډونالډ ټرمپ ویلي، چې د وینزویلا پر سر او شاوخوا فضا به په بشپړ ډول تړل کېږي، ځکه، چې په دې وروستیو کې د دواړو هېوادونو ترمنځ ترینګلتیاوې ډېرې شوې دي.
ټرمپ نن پر خپلې ټولنیزې شبکې تروت سوشل لیکلي، چې د وینزویلا هوایې فضا به مکمل ډول د الوتنو پر مخ وتړي.
نوموړي لیکلي، له ټولو هوایي شرکتونو، پیلوټانو، مخدره توکو قاچاقبرانو او د انسانانو قاچاق کوونکو څخه هیله کېږي، دا په پام کې ونیسي، چې د وینزویلا پر سر او شاوخوا فضا په بشپړ ډول بنده ده.
باید وویل شي، چې تر اوسه د وینزویلا له لوري د دې څرګندونو په غبرګون کې کوم رسمي دریځ نه دی خپور شوی.
