د امريکا ولسمشر ډونالډ ټرمپ راتلونکې پنجشنبه اسیا ته پنځه ورځنی سفر پيلوي چې پکې به ماليزيا، جاپان او جنوبي کوريا ته ولاړ شي
دغه سفر چې د د سوداګريزو او سیمهييزو اړيکو د پياوړتيا په موخه کيږي، د ټرمپ د دويمې دورې واکمني تر ټولو اوږد بهرنی سفر بلل کيږي.
سپينې ماڼۍ ويلي، ټرمپ به ماليزيا کې د جنوب ختيځې اسيا د ټولنې سرمشريزه کې ګډون وکړي او دغه راز به د تايلنډ او کامبوج ترمنځ د اوربند هوکړه هم لاسليک کړي.
ټرمپ به همداراز جاپان ته په سفر کې د دغه هېواد له لوري امريکا کې د ۵۵۰ ميليارده ډالرو په ارزښت د پانګونې په موضوع د دغه هېواد له نوې لومړۍ وزيرې تاکاياچي سره خبرې وکړي.
ټرمپ به په دغه سفر کې جنوبي کوريا ته هم ولاړ شي او د نورو موضوعاتو ترڅنګ به له خپل چينايي سيال شي جينګ پينګ سره د سوداګريز کړکېچ د حل په موخه ليدنه ولري، خو چين تراوسه له ټرمپ سره د شي ليدنه نه ده تاييد کړې.
ورته مهال بيا ټرمپ خبر ورکړی که له چين سره هوکړې ته ونهرسېږي نه ۱۵۵ سلنه تعرفې به پرې ولګوي.
