ټرمپ فرانسې ته: که د سولې له شورا سره يو ځای نشوئ، ۲۰۰ سلنه تعرفې درباندې لګوم

د امريکا ولسمشر ډونالډ ټرمپ ګواښ کړی، که فرانسه د ټرمپ له لورې د غزې لپاره د جوړې شوې  سولې شورا سره يوځای نشي، نو ۲۰۰ سلنه تعرفې به پرې ولګوي.
ټرمپ ويلي، فرانسه غواړي هغه برنامه چې ده د غزې د سولې او بیا رغونې لپاره وړاندې کړې، رد کړي.
ټرمپ ويلي، زه به په فرانسوي شرابو او شامپاين ۲۰۰ سلنه تعرفې ولګوم، هغه به د سولې له شورا سره يو ځای شو؛ خو بیا هم اړتيا نشته چې يو ځای شي.
دا په داسې حال کې ده، چې ټرمپ ويلي، هر هغه هېواد چې دغه شورا کې دايمي غړيتوب غواړي، نو يو ميليارد ډالر باید ورکړي.