ځينی پاکستاني سوداګرو د جمعيت علمای اسلام ګوند له مشر مولانا فضل الرحمن څخه غوښتنه کړې ده چې له خپل نفوذ څخه په ګټې اخيستنې دې د دواړو هېوادونو ترمنځ د لارې په خلاصولو کې مرسته وکړي.
دغه سوداګرو په ليدنه کې ټينګار کړی چې له افغانستان سره بايد سوداګري بیرته پيل شي.
د ياد ګوند رسنيز دفتر د پاکستاني سوداګرو له قوله ليکلي، د لارې له بندېدو راهيسې یې ۴۵ ميليارده پاکستانۍ کلدارې زيان ليدلی دی.
سرچینې ليکلي، که حکومت د سوداګرو غږ وانهوري، نو سوداګر به له پراخو زيانونو سره مخ شي.
همدې حال کې بیا فضل الرحمن له افغانستان سره د سوداګري پر بندېدو خواشيني څرګنده کړې او د خپلو هڅو ډاډ یې ورکړی دی.
د يادونې ده چې پاکستان افغانستان سره خپلې لارې پر فرضي کرښه له جګړې وروسته وتړلې.
