د فلسطین د روغتیا وزارت خبر ورکړی چې د اسرایلي ځواکونو له لوري د غزې په یو شمېر سیمو کې د بریدونو له امله لږ تر لږه ۱۱۲ کسان وژل شوي او لسګونه نور ټپیان شوي دي.
د یاد وزارت له خوا په خپره شوې خبرپاڼه کې راغلي چې دغه کسان د غزې په یو شمېر سیمو کې د اسرایلي ځواکونو په بریدونو کې وژل شوي دي.
ددغه وزارت د مالوماتو په اساس په وژل شوو کسانو کې ۳۳ تنه د غزې ښار په یوه ښوونځي کې د اسرایلي ځواکونو په درې جلا هوایې بریدونو کې وژل شوي دي.
د سرچینو په وینا د اسرایلي ځواکونو د بریدونو ډېری قربانیان فلسطیني ماشومان دي.
د یادونې وړده چې اسرایلي ځواکونو ویلي چې د دوی د بریدونو دویم پړاو به د مارچ میاشتې په ۱۸ تاریخ پیل شي او په وینا یې چې تر دې مهاله یې د شمالي غزې ۶۰۰ سیمې په نښه کړې دي.
