د فلسطین د روغتیا وزارت خبر ورکړی چې پرون شنبه د اسرایلي ځواکونو لخوا په فلسطین د تازه بریدونو له امله لږ تر لږه ۳۰ تنه وژل شوي دي.
ددغه وزارت لخوا په خپره شوې خبرپاڼه کې راغلي چې دغه وژل شوي کسان پرون ورځ(شنبه، د کب ۱۶مه) د فلسطین د شمالي غزې په بېلابېلو سیمو کې د اسرایلي ځواکونو په تازه بریدونو کې وژل شوي دي.
د فلسطین د روغتیا وزارت چارواکو ویلي چې په وژل شوو کسانو کې ۱۲ تنه د غزې په جنوب کې د "خان یونس" او په شمال کې د "بیت حانون" ښارونو پر ضد د اسرایلو په بریدونو کې وژل شوي دي.
د یاد وزارت د مالوماتو په اساس پر غزه د اسرایلي ځواکونو د بریدونو د دریم پړاو له پیله درې دمه ۱۲ سوه او ۵۰ فلسطینیان مړه شوي او تر ۳۰۰۰ ډېر نور ټپیان شوي دي.
