د هندوستان د ټوډي ورځپاڼې د راپور له مخې هند کې د تېرو ۲۴ ساعتونو په اوږدو کې د کرونا ناروغۍ ۳۵۸ نوې پېښې ثبت شوي دي.
په همدې حال کې هندي رسنیو خبر ورکړی چې یاد هېواد کې د کرونا بله نوې څپه پیدا شوې ده چې تر اوسه یې شپږ زره او ۴۹۱ تازه پېښې ثبت شوې دي.
راپورونو کې راغلي د تازه شمېرنو پایله ښیې چې په دغه څپو کې تر ټولو زیانمن ایالات "کیرالا"دی او په ګجرات کې هم د تازه پېښو په برخه کې د پام وړ ډېروالی راغلی دی خو تر اوسه د مړینې په اړه څه نه دي ویل شوي.
د هند د عامې روغتیا وزارت خبر ورکړی چې په تېرو ۲۴ ساعتونو کې په ګجرات کې د کرونا ۱۵۸ نوې پېښې ثبت شوې دي.
د دغه وزارت لخوا په خپره شوې خبرپاڼه کې راغلي چې کېرالا ایالت چې د کرونا ناروغۍ له امله تر ټولو زیانمن شوی ایالت دی په تېرو ۲۴ ساعتونو کې پکې د کرونا ناروغۍ اووه نوې پېښې ثبت شوي چې ورسره د ټولو پېښو شمېر ۱۹ سوه او ۵۷ ته جګ شوی دی.
د روغتیا نړۍوال سازمان په هندوستان کې د کرونا نوې څپې ته د "انیمبوس" نوم ورکړی دی.
باید وویل شي انیمبوس د کرونا ساري ناروغۍ یو ډېر ګواښوونکی ډول دی چې په بېلابېلو سیمو کې په تېزۍ سره خپرېدو یې په نړۍواله کچه اندېښنې رامنځته کړې دي.
